నా జీవితాన
చీకటి సంధ్యలు ముసిరిన వేళ
నిండు చందమామలా అడుగిడి
వెన్నెల వెలుగులు కురిపిస్తున్నావు
నా బ్రతుకున
కారు మబ్బులు కమ్మినవేళ
తటిల్లతలా మెరిసి
చీకటి మబ్బులు
తరిమి కొడుతున్నావు
నా గుండె
మోడువారి శిథిలమవుతున్నవేళ
ఆమనిలా వచ్చి
ప్రేమ జల్లులు కురిపిస్తున్నవు
నా జీవన పయనం
దారి తెలియక స్తంబించినవేళ
వేగుచుక్కలా ఉదయించి
మార్గదర్శనం ఇస్తున్నావు
ఇంతలా నాలో
కలిసిన ఎవరు నువ్వు..
నా ప్రేమ తపస్సుకి మెచ్చి
ఆ దేవుడు పంపిన దేవకన్యవా..
లేక నా కోసం ఈ దివిలో
వెలసిన ప్రేమ దేవతవా..
నీవెవరివైనా ఇవే నీకు నా
ప్రేమ ప్రణయ పుష్పాంజలి
0 comments:
Post a Comment